相愛是情緣，迫愛是孽緣

有男人受到許多女性垂青，通常會話佢夠風流倜儻、夠俊夠瀟灑；相反，女生被許多男性看上就要小心，桃花太旺，處理得唔好分分鐘變桃花劫。

其實有邊個女仔唔中意自己靚？唔中意受到簇擁？但靚歸靚，千萬別靚到紅顏薄命就得勒！

小妹曾經試過，許多年前某日與男友提出分手，點知攤牌未完佢就話放火燒我全家；咁咪焗住話得得得，唔分住囉！驚丫嘛！佢十九歲未夠，獨生子，脾氣勁臭又成日唔帶腦出街；當時真係信佢夠胆死敢做！自己雖則只有十七歲但起碼堅信「好漢不吃眼前虧」的道理，結果我收聲。之後，離開香港。始終認為無論甚麼情感都不該有威脅成份；所以一定走，除非想俾人劈開九碌！

寧可信其有

倘若遇到嘅係情緒病患者，你又死口堅持要分手的話咁就極有可能因你 Precipitating 對方情緒一發不可收拾，後果很難預計但請別忘記，只有病患者才會向自己深愛嘅人下手。

" title="